Delhi nung Vodafone-i 4G tendanger

New Delhi, July 24 (Agencies): Vodafone India-i Delhi tesem kar nung fourth generation (4G) network tendangba maparen tenzükogo, ta company sangdong ka ajanga metetdaktsüogo.
Bharti Airtel-ibo parnok meyong 4G prokshiogo aser Reliance Jio Infocomm-ia taküm küm tatemlen 4G tenzüktsü sentong lir. Ano Idea Cellular-ia 2016 küm tesem kar nung 4G amenoktsü sentong lir.
Sangdong ajangasa ashiba agi, market 18 nung Vodafone meyong 4G amshir nisung million 24.1 lir.
“Tang tashi nung linük ajak senteper noklang nung shilem 26-i smartphone amshir aser yimti tulu tem nung shilem 47-i amshir. Tang linük nung 3G amshir ajak agi nisung million 22 jungogo,” ta kasa sangdong ajanga metetdaktsü.
Linük nung Vodafone amshir nisung million 1.6 agi züina akümba ajanga ajak senteper Vodafone amshir nisung million 185.4 kümogo.