Election Commission-i Eroll merüktettsü

Kohima, March 01 (TYO) : Tan ita nungi tenzüka Election Commission-i linük ajaklen electoral shitak küma yanglushia merüktetba sentong ka tenüng agi “National Electoral Rolls Purification (NERP) 2016” tenzüktsü. Iba sentong ya August 31, 2016 nü tembangtsü.
Iba sentong ajanga tesem ajaklen electoral roll nung tenüng malirtem enoktsü, tesem aisü nung enoka alirtem, tasür aser tanga tesemi oadoker alirtem tenüng ajak agientsü aser EPIC nung tai ajenloka aliba aser noksa mejangjaba ajak metongshia yanglushitettsü.
Iba kasa sentong nung tesem kar nung polling station dak aketba maparen yanglushinüba aser inyaknüba lira jembia inyaktsü akoktsü.
Anungji, iba maparen nung yimten teloktem, lokti tentet, putu menden, town & ward yimten aser nübortemi akokba tashi District Election Authority aser Election department ketdangsertem den yaritepa inyaktsüla ta mepishia metetdaktsüogo.