Nawazuddin-i Sridevi den aroki ‘Mom’ film nung shilem agitsü

New Delhi, March 02 (Agencies): Bollywood actor, Nawazuddin Siddiqui-i nungtugu actress, Sridevi den aroki tarutsü mapang yanglutsü renemba ‘Mom’ film nung shilem agitsü renemogo.

Tetsürtem indang otsü nung ajemdaker yanglutsü renemba ‘Mom’ film ya Sridevi kinüngbo, Boney Kapoor-i produce asütsü ta IANS-i osang jangjashitsü.

“Nawazuddin-i Sridevi den aroki film nung shilem agitsü renemogo. Tenati aroki shilem agitsü renemba film tenüng ‘Mom’ lir saka iba film den sentakba osang tangbo tang asoshi melemsateptettsü,” ta Nawazuddin’er ketdangsertemia metetdaktsüogo.

Ravi Udyawar-i direct süa yanglutsü renemba ‘Mom’ film ya taruba April ita nungi tenzüka yanglu tenzüktsü.