Irom Sharmila-i AFSPA anema lungkak aitba agi tanaben apu

Imphal, March 2 (Agencies): Armed Forces Special Powers Act (AFSPA) agientsü atema takhangba agüja lungkak aiter Irom Sharmila tepuokdak nungi chioker anogo ana lir külen Bodbarnü la tanaben puogo.
La Indian Penal Code (IPC) nung Arrla 309 (soseta asütsü merangba) kübok aitsütsü akok.
February 29, 2016 nü District and Sessions Court-i la chiok saka la J.N. Institute of Medical Sciences nung aliba security ward nungi aluba sülen la indangindanga Shahid Minar aliba Park-i oa lungkak aittsü tenzük.
Nupi Lan complex nung police telok kati la lungkak aitba tesemi maotsü atema mesüzüktsü merang saka nikongtsütsü 4:00 ako meta la Sahid Minar atong aser lungkak aitba sentong tenzük.
Sharmila dang Manipur nungi Iron Lady ta ajar aser lai November 2000 nungi lumitsü tenzük. Manipur nung lar ki anasa bus anendak ka nung sepaitemi nisung 10 kahsetba sülen lai AFSPA agientsü atema takhangba agüja lumitsü tenzük.