MTBA Youth Dept-i Get Set 2016 sentong ayonger

Mokokchung, March 3 (TYO): Get Set 2016 (A mission envisioning and mobilization conference) ta ser sentong ka Mokokchung Town Baptist Arogo, Youth Department-i MTBA tenla kidang March 5 nungi tenzüka anogo asemnü ayongzüka lir ta osang ka ajanga metetdaktsü.
Iba sentong nung tongti shilem agitsüpurji; Dr. Denny, Cindy Heiberg aser Dr. Ravi David nungertem lir. Parnok ya bendanglen nungi arur ta angazüker.
Sentong tarensenji March 5 (Honibar) nü anepdang 9:00 ako nungi nikong 3:00 ako tashi sentep agitsü. March 6 (Deobar) nüji anüngdang 12:30 ako nungi nikong 4:00 ako tashi aser March 7 (Hombar) nüjibo anepdang 9:00 nungi 10:00 tashi dang agitsü ta osang ajanga metetdaktsü.