AKM-i C Wati Ao asüko lemsateper

Mokokchung, March 4 (TYO): Ao Kaketshir Mungdang (AKM)-i teti meima aliba lenir asür C. Wati Ao asüba mang ayimer, ta AKM Tir aser Jemti Longchar aser Tongti Tezülur Bendangkümba Aier nati sangdong ka ajanga ashi.
Tenati ashiba agi, asür C. Wati Ao ya kanga dang tashi tait aser teyakyak lenir ka liasü aser pa iba lima nungi pilaka pai AKM terenlok asoshi kanga nendaka aser bendanga agüja inyakba mapa tajung mamatettsü. Asür C. Wati Ao ya 1952 nungi 1953 tashi AKM nung tongti zülur liasü.
Pa ya Japukong tsükong nungi terenlok tsütsü inyaker mezüngpur rongnung ka liasü aser lokti balala atema bendanga agüja inyaker ka liasü. AKM-i lenir asür C Wati Ao’er kibong den asüko lemsateper aser Tsüngrem dang pa tanela anisüngzüktsü sarasademtsür, ta kasa sangdong ajanga ashi.