Clark Theological College Students’ Union-i AVBM semdang

Nakachari, March 5 (TYO) : Clark Theological College Students’ Union (CTCSU), Aolijen nungi Mission Committee züngsemtemi Honibarnü Nakachari, Jorhat nung aliba Assam Valley Baptist Mission (AVBM) semdang.
2012 nungi tenzüka Clark Theological College kaketshirtemi CTC Holistic program kübok Assam-Nagaland sector nung tenteta aliba arogotem semdanger. Item arogoji Assam Valley Baptist Mission kübok lir aser iba sentong ajanga telok anaprong tajangzük angur.
CTCSU mission committee nung züngsemtemji – Mr. Apotho Poji, (BD-V), Mr. Tanwang (BD-I), Ms. Moazungla Longchar (BD-IV), Ms. T. Shongmeth (BD-II), Ms. Aghali Swu (M.Th-II) aser Mr. Akangtemsu Yaden (BD-V) nungertem lir.
Assam Valley Baptist Mission tiri tarurtem pela agizüka jembidang, tesüiba küm ana tashi CTCSU aser faculty den staff temi mapa tajung inyakba atema pelaba metetdaktsü.
Tanü sarasadem sentong nung mendenji AVBM Evangelist, Nimrudh Mandal liasü aser CTC nungi arurtemi taküm kuli, tajungshi o jembiba den ken ka aten aser Apotho Poji-i Tsüngrem o jembi.