Shruti Haasan-i Women’s Day indang ken sayatsü

Mumbai, March 06 (Agencies): International Women’s Day nüngtem nung actress, Shruti Haasan-i ken tasen ‘My Day In The sun’ sayatsü.
Kentener aser actress Shruti-i music directors- Ehsaan aser Loy na den külemi taküm Women’s Day March 8 nü “My Day In The sun” ken sayatsü sentong lir.
“Welcome Back” actress Shruti-i iba ken zülu.
Mumbai nung sangdong ka ajanga lai, “Iba ken züludang tongtibangbaji tetsür ajaki pei tebilemba jembitettsü atema liasü. Iba ya asen tensa mapang indang lir, tetsür ka ama nüngtugu kümner, tashi itner aser tetsür shia nükjidong tongner,” ta ashi.
“Iba ken zülutetba aser atenba atema ni kanga pelar. Kentenba tsütsülen ni iba ya inyaknüa liasü. Iba ken ya kanga rock & roll aser nü temelungjang taroktiba nungi tentettsü,” ta lai ashi.
Arishi küm 30 Shruti-isa, iba ken atema lai Ehsaan aser Loy teyari aginüa liasü, ta ashi. “Parnoki (Ehsaan aser Loy) atenba ken angaa ni intet aser parnok den külemi inyaksembaji jangratemtsüka,” ta lai shisem.
“Shruti ya ken zülur tajung ka. Onoki tanü tensa dak apet ken ka yanglutetogo, ken aser kenjang naprong junger,” ta Ehsaan aser Loy nati ashi.
Iba ken audio ji March 8 nü sayatsü aser video jibo ita ana sülen ang sayatsü.