Kentener Nicky Jam-i Deepika & Diesel den xXx nung shilem agitsü

Los Angeles, March 6 (Agencies): India nungi actress Deepika Padukone-i shilem agiba film ‘xXx’ nung Latin pop kentener, Nicky Jam-ia shilem agitsü osang jangjaogo.
‘xXx: The Return of Xander Cage’ film nung El Perdon kentener Jam-i shilem agitsü.
Jam-i iba osang ya Instagram nung metetdaktsü.
“Pungmang ka asangsang nung atalokogo. Ni iba jenjang tongdaktsüba atema ozü nübortem dang kanga pelar aser Vin Diesel danga kanga pelar,” ta pai ashi.
Tang iba film ya Canada nung teyangludak lir aser kobi melii Dominican Republic nunga tangoktsü.
Nicky Jam-i Miss Universe runner-up Ariadna Gutierrez, Samuel L Jackson, Nina Dobrev, Ice Cube aser Toni Collette nungertem külemi shilem agitsü.
‘xXx: The Return of Xander Cage’ film ya D J Caruso-i direct asür aser January 20, 2017 nung sayatsü sentong lir.