Nenok tekülakokdaktsü

Aser tejang matangba ammang mapa den temeden, saka item arüjang (Ef. 5:11).

Nenok tekülakokdaktsü : Medemer tajungi jakla tajung tamajung kümdaktsür (1 Kor. 15:33). Nenok ulubaji tajung masü. Piyazü tila ka agi am telung ajak pokrakdaktsür, ta nenoki memetet no ? Nenok telung tasen akümtsü asoshi piyazü tejenji meshidokang. Nenoki nüktapangtar den temedem ta ni nenok dangi kü shidi nung zülu. Saka aji ya, iba lima nüktapangtar, mesüra tenükshiba aser merumeru, mesüra süngyanglu külemer den kenyongi temedem ta masü, kechiyong aji oda süra nenoki alima nungi senshitsüla. Saka adianu ta ajaba nisung kar nüktapangtar, mesüra tenükshiba, mesüra süngyanglu külemer, mesüra atalaba, mesüra yi pur mesüra merumerur lira, iba denji techiyong ta ni nenok dangi zülur (1Kor 5 :6,7,9-11). Tekürak aser mashi jajaba putu koba rongnung nenoki taküm oji jungkai adokdakja alima nung pitinu ama nenok sangwa angur (Fil 2: 15). Saka ki tulu ka nung hon aser taribi oset dang ali masü saka süng aser ali oset lir aser item kar tetushitsü aser kar melushitsü asoshi lir (2Tim 2:20).

Kibuba Yisu, nai jembiba O ajanga ni meshitetjang. Amen.