Mokokchung nung Craft Bazar alitsü

Dimapur, March 7 (TYO) : Nagaland Handloom & Handicrafts Development Corporation Ltd. Dimapur-i March 15-24, 2016 tashi Mokokchung jila nung Craft Bazar ka ayongzüka agitsü.
Iba sentong ya Office of the Development Commissioner (Handicrafts), Ministry of Textiles, Govt. of India, New Delhi ajanga teyari agütsür.
Iba Craft Bazar nung shilem aginüba Society, NGO, SHG, Artisan nungertemi Project Cell, NHHDC Ltd., Half Nagarjan, Dimapur den tongteprateptsü akok, ta Additional Director, Industries & Commerce & Managing Director Er. S. Temsulong Jamir-i sangdong ka nung metetdaktsü.
Shilem aginürtemi March 12, 2016 matongdang Development Commissioner Handicrafts, Govt. of India ajanga agütsüba Artisan card Xerox Copy bener arua agütsütsüla. Stall angati agütsütsü aser iba denji stall shia nem Lumpsum Daily Allowance agütsütsü, ta Er. S. Temsulong Jamir-isa sangdong nung shia lir.