Pughoboto police-i yi shibelener 2 apu

Dimapur, March 7 (TYO) : March 4, 2016 nü PWD colony, Pughoboto anasa gari lendong ka atalokba nung nisung ana yiru aser tenaji Pughoboto hospital nung anepaludar.
Lazami lenjem nung Pughoboto Police-i gypsy gari (NL07-0682) mita reprangtsü atema anentsü tuyu saka gariji maneni dang kanga kara Pughoboto adena Zunheboto leni jena ao.
Iba jagi police-i gari arrshitsü tenzük aser idangji gariji lenküpokleni tsüoka ai, ta SDPO-i metetdaktsü.
Police-i gari nung mena aliba nisung ana apu aser tena mozükidangi anir oa first aid agütsü. Gari nungji MC rum case 29 aser beer case 3 bena liasü, ta SDPO-isa ashi.
Tenaji Pikato Awomi aser Puto na ta jangjaogo aser tenaprong 2 ½ mile, Dimapur nung alir. Pughoboto Police station nung tena anema ken o ka benokogo, ta SDPO-isa shisem.