SC nung Mallya linük nungi meyoktsü temebishiba angadangtsü

New Delhi, March 8 (Agencies): Bodhbarnü Supreme Court nung State Bank of India nungi Vijay Mallya linük nung toktsür meyoktsü temibishiba angadangtsü.
Chief Justice T.S. Thakur aser Justice Uday Umesh Lalit nati aniba obendanger teloki Attorney General Mukul Rohatgi-i tuyuba ama iba o angadangtsü mulungtep.
Karnataka High Court-i pa nokdangtsü melena Diageo Holding Netherlands B.V., Diageo Holdings aser United Spirits Ltd temi bank-i ashiba anema temebishiba agütsütsüla, ta ashiba bank temi SC nung metetdaktsü.
Mallya indang passport sota yuang ta ashiba mapang, bank temi Bengaluru nung aliba Debt Recovery Tribunal (DRT) dang inyakyim shitak amshia Mallya dang nungi parnok tangotsü aliba sen crore 6,203 ji meshitsü lenmang asüdangogo.
Mallya-i pa meyong Kingfisher atema sen apua aliba bank ji State Bank of India dang masü saka State Bank of Baroda, State Bank of Mysore, Axis Bank, Corporation Bank, Federal Bank, Indian Overseas Bank, Jammu & Kashmir Bank, IDBI Bank, Punjab National Bank, Punjab & Sind Bank, UCO Bank aser United Bank of India tema lir.