Tetsür ka tebur anati tashiyim agi raksatsü

Lucknow, March 8 (Agencies): International Women’s Day amung nü kanga taoksatsü ka Rae Bareli, Uttar Pradesh nung tebur anati bus telung nung tetsür ka tashiyim agi raksatsü, ta Mongulbarnü police-i ashi.
Iba tatalokba bushisüngdanger police ketdangser kari IANS dang ashiba agi, iba tatalokba dak sentakba nung aija alisang bus gari anisang aser conductor na anema ken o ka benokogo.
Iba tatalokba ya Hombar aonung la lar adianutsür aliba yimtak kiyimba benjung ka nung dener Sheeshgarh nungi Sisauna-i meyipa arur lar yim Khajuria-i aotsü aliba mapang atalok.
Aonung kanga menor aser tsüngsang kanga majung asüba ajanga la bus station nung mejangtsü telemtetba agi. La bus telung nung amoa or lia bus anisang aser conductor nati la dak melangloka tashiyim agi raksatsü, ta lai police dang ashi.