Peducha nung gari kati police constable ka menüngset

Kohima, March 8 (TYO) : Mongulbar anepdang Peducha Check Gate nung Kohima DEF nungi police constable ka truck gari kati menüngset.
Osang angazükba agi, police constable ji lenmang anasa noktaka lia Dimapur leni aoba truck gari jagi pa dak menüng aser idangjisa pa asü.
Iba gari aser driver naprong police-i pua lir, ta osang ajanga ashi.
Security zone tesem nung gari anirtemi gari meilongi kümdanga anitsüla kechiyong ibala tesem nung police/sepaitem garitem mita repranger aser traffic ketdang asür.