Sonakshi tenüng Guinness Book of World Records-i iogo

New Delhi, March 09 (Agencies): Bollywood actress, Sonakshi Sihna tenüng Guinness Book of World Records nung yashi, Mongolbar nü züluokba osang jangjaogo.
Alima ajunga nung tetsürtem asoshi latettsüba anogo, International Women’s Day nung Sonakshi-i ‘Most people painting their fingernails simultaneously’ otsü tasen yanglur rong nung densema iba otsü tasen yanglua liasü.
“Ni kü lanuwa nungi tenzüka Guinness Book of World Records nung kü tenüng züluokdaktsünüa aru aser tan kü pungmang asangsang nung atalokogo,” ta arishi küm 28 tain Sonakshi-i metetdaktsü.
Sonakshi densema, tetsür 1328 tashi Mumbai kübok Palladium nung Inglot O2M breathable nail enamel pei temzüng nung mapang kasa nung nüloka iba otsü tasen ya yanglu.
Tan otsü tasen yangluba jakdang Taiwan kübok New Taipei City nung Taiwan Nail Association nung züngsemer nisung 1156-i pei temzüng nung nailpolish kasa mapang nung nüloka 27 April, 2011 nung nisung timtibai kasa mapang nung pei temzüng nung nailpolish anüba otsü yanglua liasü.