Nübortemi Dimapur nung police phone amshitsüla

Dimapur, July 24 (TYO) : Taoba ita June 12, 2015 nü nübortem telongjem senden ka Anaki Dimapur nung amendang, Dimapur nung GBs aser mepu shia nung mendenbuba aser tantsü tambutem adenshia yur sarusachiba aser ochimashi mapa inyakba indang jembiogo aser iba kasa senden nung Dimapur Police Commissioner office nung nübortemi tashiyim agi sarusachiba osang jet ta agütsütettsü atema 24 hours telephone Helpline alitsüla aser shibai timtem shidir, pa mesüra la tenüngji miima dang ayutsü ta telemtetba ka agia liasü.
Iba nüngdakji angateta nübortem atema Police Commissioner-i pa kübok tongtibang police ketdangser phone 48 shi osangkakettem ajanga sangdongogo aser pa Facebook nunga lir, anungji nübortemi tashiyim agi sarusachiba mapa atalokba mapangbo police dak tamang kateta parnok dang ashitsüla ta ACAUT telokisa metetdaktsüogo.
Kodangsa police teyari nüngdakdir, nübortemi jet ta item number 7085055048, 7085055049, aser 7085055043 nung osang agütsütsüla.