Zayn Malik-i pa kensep nung aliba kentem sangdongogo

London, March 09 (Agencies): Taoba mapang ‘One Direction’ telok nung kentener Zayn Malik-i iba telok toktsüba sülen pa indang mezüng nija kensep nung aliba kenten tawa sangdongogo.
Malik indang kensep tasenba nungi ‘Pillowtalk’ ken kanga junga takok nguogo aser iba kensep March 25 nü sayatsü, ta Mirror osang ajanga ashi.
Iba kensep sayatsü anogo ishika dang lia arishi küm 23 Malik-i ‘Mind of Mine’ kensep nungi kentem sangdongogo aser iba kensep nung ‘Mind of Mindd’, ‘Pillow Talk’, ‘Its You’, ‘BeFour’, ‘She’, ‘Blue’ aser ‘Bright’ kentem lir.
Malik indang kensep sayatsü anogo, March 25 ya pai tebuir temeja telok ‘One Direction’ toktsüba anogo lir.