SC-i state ajak dang kibur maliba azü ajak nem mozü tutsütsü tuyur

New Delhi, March 09 (Agencies): Supreme Court (SC)-i state ajak dang Animal Welfare Board of India-i achaayanga kibur maliba azü ajak nem mozü tutsütsü tuyuogo.
State sorkar kari azü tepsetba anema shiruru temeten atema inyaker tentettemi mepishiba nung ajemdaker SC-i tetuyuba ka agütsü.
2015 November ita nung SC-i kibur maliba azütem taneptsü mangutsüsa süra tepsettsü atema linük nung municipal ketdangsertem nem temelaba agüja liasü.
Animal Welfare Board of India densema shiruru temeten atema inyaker telok kari, Centre aser state sorkartemi iba dak sentakba ozüngtem nung telemtetba kar agitsü atema temepishiba benokba onük SC-i angadanga liasü.
Maneni SC-i July 12, 2016 nü iba onük angadangtsü.