Champions League: Wolfsburg o Real Madrid na quarterfinal-i iogo

London, March 09 (Agencies): Wolfsburg aser Real Madrid telok nati takok ngua tang tasayadak Champions League asayamong quarterfinal nung shilem agitsü jenjang yashi, Mongolbar nü ajangzükogo.
Andre Schuerrle-i asaya tembangtsü minute 16 shi anünga alidang goal 1 agütsüba ajanga par Wolfsburg teloki goal 1-0 agi Gent telok madak takok ngua points 4-2 agi temaba jenjang ngua quarterfinal nung asayatsü jenjangji angu.
Wolfsburg teloki tan mezüngsüa Champions League asayamong quarterfinal nung shilem agitsü jenjang angur lir.
Real telokia goal 2-0 agi AS Roma telok madak takok ngua points 4-0 agi temaba jenjang ngua quarterfinal asayatsü jenjang ajangzüka lir.
Real asayar, Cristiano Ronaldo aser James Rodriguez nati yashi takokba goal anaji agüja liasü.