Dimapur nung Energy Conservation Awareness Programme kaogo

Dimapur, March 10 (TYO): March 10, 2016 nü C-Edge College, Dimapur nung Nagaland State Designated Agency (NSDA), Government of Nagaland den Bureau of Energy Efficiency (BBE) Ministry of Power, Government of India-i Energy Conservation Awareness Programme ayongzüka kaogo.
Alima tsüngsang mopung melenshiba ya alima atema amokmeren ka lir, ibayongji ‘energy conservation’ ya ajaki meteta akumtsü aser o lemteptsü atema tongtibang onük ka kümogo.
Iba sentong tenzüka Er. I. V. Chishi, Chief Electrical Inspector-i okila jembidang, Energy Conservation nung item ama awareness programme akatsüji tongtibang, ta ashi.
NSDA Consultant, Er. K T Wabang-i onük tatsüka jembidang Chief Electrical Inspectorate-i Nagaland nung district aika nung school aser college tem nung iba ama awareness programmes ayongzüka akaba atema tenüngsang agütsü.
Sentong nung Novotech Environmental Engineering Pvt. Ltd, Kolkata nungi S. Choudhary aser R P Niranjan Bose nati Engrgy Conservation nung Power point presentation ka agüja liasü.
Ghonda ka sentong nungsa shisalen sayurtem aser college nungi tesayurtem den kaketshirtem shisa lemsatepa liasü.