NPF & DAN yimsüsürtem senden alitsü

Kohima, March 10 (TYO): Naga People’s Front (NPF) nung tatartem senden ka March 14, 2016 anepdang 10:00 ako nungi State Banquet Hall nung alitsü aser iba sülen 11:00 ako nung kasa tesem nung Democratic Alliance of Nagaland (DAN) nung tatartem senden alitsü.
Iba senden nung taruba tatar senden nung jembitsüba onüktem süoka jembitsü, anungji züngsem ajak arua adentsüla, ta CMO nungi sangdong ka ajanga metetdaktsüogo. Tan tatar senden ya March 15 nungi 19 tashi alitsü.