Saina All England Championship quarterfinal-i iogo

Birmingham, March 10 (Agencies): India’er tetsür badminton asayar mongin, Saina Nehwal-i Thailand tsür, Busanan Ongbumrungphan madak 2 round asaya koka tang tasayadak All England Badminton Championship tetsür singles quarterfinal asayatsü jenjang ajangzükogo.
Tetsür World No. 2, Saina-i points 21-16, 21-9 ngua Ongbumrungphan madak takok angu.
1 buba round asaya nunga Saina-i points 21-17, 21-12 ngua Canada tsür, Michlelle Li tsükdakja liasü.
Ajisüaka, taoba mapang World Championship bronze medal anaben tashi agizükla, P V Sindhu-i points 21-18, 17-21, 12-21 ngua Thailand tsür Porntip Buranaprasertsuk nem kokdakja tamakok ajuruba osang jangjaogo.
Tebur singles shilem nung B. Sai Praneeth-i Malaysia nunger Lee Chong Wei madak 1 buba round asaya koka India nem konang bener arutsüogo.
Praneeth-i points 24-22, 22-20 ngua Malaysia nunger badminton asayar mongin, Lee tsükdaktsü.