IPL 2016: Mumbai Indians teloki Pune Supergiants den asayatsü

Mumbai, March 10 (Agencies): Defending champions, Mumbai Indians teloki tan mezüngsüa shilem agir, Rising Pune Supergiants telok den Indian Premier League (IPL) 2016 asayamong mezüngbuba asaya taruba April ita 9 nü asayatsü lemzükogo.
IPL 2016 cricket asayamong ya anogo 51 agia, asaya 60 tashi asayatsü aser iba asayamong final Mumbai kübok Wankhede Stadium nung taküm May ita 29 nü asayatsü renema lir.
Raipur kübok tentetba Shaheed Veer Narayan Singh International Cricket Stadium nunga Delhi Daredevils teloki asaya 2 tashi asayatsü aser Nagpur nung tentetba Vidarbha Cricket Association Stadium nung Kings XI Punjab teloki asaya 3 tashi asayatsü renemogo.
“Alima ajunga nung tongti cricket asayartemi shilem agitsü renemba IPL 2016 asayamong ya Mohali, Delhi, Mumbai, Nagpur, Pune, Bengaluru, Hyderabad, Kolkata, Rajkot aser Raipur densema, ajak agi asayadak 10 tashi nung asayatsü renema lir,” ta IPL mendenbuba, Rajiv Shukla-ia metetdaktsüogo.