ICC World T20 2016: Zimbabwe teloki runs 11 agi Scotland akok

Nagpur, March 10 (Agencies): Zimbabwe teloki runs 11 agi Scotland telok madak takok ngua tang tasayadak ICC World Twenty20 (T20) qualifying round Nagpur nung tanü, Brehostibar nü asayaogo.
Zimbabwe teloki mezüng batting asü aser Sean Williams aser Elton Chigumbura nati runs 53 aser 20 yangluba densema, par teloki overs 20 nung runs 147 yanglua liasü.
Tesülen, Richie Berrington aser skipper, Preston Mommsen nati runs 36 aser 31 yanglua kanga meranga asaya saka par Scotland teloki ajak agi runs 136 dang yanglutetba yong par teloki runs 11 agi tamakok ajurutsüsa aküm.
Mezüngbuba asaya nung Hong Kong telok madak runs 14 agi takok anguba densema, Zimbabwe teloki tan agi asaya tanabuba atonga koka ajak agi points 4 ajangzükogo.
Ajisüaka, taoba asaya nung Afghanistan den runs 14 agi tamakok ajuruba densema, Scotland teloki tan agi asaya tanabuba nung tamakok ajurur lir.