Oscar award angusang Ken Adam süogo

March 11, 2016: Anaben tashi Oscar Award angusang production designer, Ken Adam alima nungi pilaogo. Pa arishi küm 95 liasü.

Pai 1960s aser 1970s mapang James Bond film nung shilem agia liasü.

Stanley Kubrick indang Barry Lyndon (1976) aser Nicholas Hytner indang The Madness of King George (1994) nung pa mapatem ajanga Academy Awards anugsang Brihostibarnü London nug par kidang asü, ta BBC osang ajanga metetdaktsü.

Pa taküm otsü zülusang, Christopher Frayling-iiba osangji sangdonga liasü.

Grrmany, Berlin nungi Adam’er kibong ya Nazi dang nungi London-i jena ao. Iba yimti nung jenokba sülen pa architecture azüng aser World War II mapang England nunger Royal Air Force tayimtsü anir German nunger ishika rongnung pa densem.

Gone With the Wind production designer, William Cameron Menzies-i ‘Around the World in 80 Days’ film nung yariteptsü atema pa übo shimba mapang nungi pa production design nung ajemok. Iba film ajanga Adam Oscar nomination nunga aden.

Adam-i junga shilem agiba rongnung Goodbye 1969 version, Mr Chips, 1985 küm Agnes of God aser1993 küm Addams Family Values nunger lir.

Pai maneni 1990s mapang tashi inyaka, 1999 küm The Out-of-Towners yanglushiba nung shilem agi.

Adam-i pa kinüngtsü, Maria Letizia toktsür alima nungi pilaogo.