Nagaland Lokayukta Bill thinena atar

Kohima, July 24 (TYO) : 12 buba Nagaland Legislative Assembly nung Angh-i bill 8 agizükogo aser item rongnung Institute of Chartered Financial Analysts of India, ICFAI University Amendment Bill 2014 dena lir, ta Commissioner & Secretary, N. Benjamin Newmai-i Hokolbarnü metetdaktsü.
Yashi Chief Minister, TR Zeliang aser Social Welfare Minister, Kiyanielie nati Nagaland Protection of Interests of Depositors (In Financial Establishment) Bill, 2014 aser The Nagaland State Legislature Members (Removal of Disqualification) First Amendment Bill, 2015 benokba agizükogo.
Tang tagidak session nung bill ana ano magizük lir aser iba bill anaji July 27 nü ang benoka olemteptsü. Bill anaji – Nagaland Lokayukta Bill, 2015 aser The Nagaland Prohibition of Gambling and Promotion and Regulation of Online Games of Skill Bill, 2015 na lir.
NLA speaker Chotisuh Sazo-i ashiba agi, iba Bill ana ya sorkari mepishiba agi thinena atar.