Volvo International U-21: India tsüri goal 6-1 agi New Zealand akok

Breda, July 24 (Agencies): Team captain, Rani Rampal-i hat-trick yangluba densema India’er tetsür junior hockey teloki New Zealand madak takok ngua Volvo International Under-21 hockey asayamong nung tanü Hokolbar nü shilem agiogo.
India tsürtemi goal 6-1 agi tan takok anguba ya par teloki tang mezüngsüa Volvo International U-21 asaya akoker lir.
Navneet Kaur, Anupa Barla aser Lily Mayengbam nungeri tanüngba goal 3-ji agüja liasü.
Tanü asaya tenzüker minute 4 buba Rani-i 1 buba goal agütsü aser minute 4 süir külen Kaur-i 2 buba goal agüja lar telok temaba jenjang nung ajungkettsü.
Rani-isa minute 30 buba 3 buba goal agütsüba yong mezüngbuba asaya shilem tembang tashi nung India goal 3-0 agi temaba jenjang ngutea liasü.
Tanabuba asaya shilem nung, asaya tenzüker minute 40 nung Rani-i maneni goal 1 agüja hat-trick yangluba sülen Barla-ia goal 1 agüja lar telok goal 5-0 agi N Zealand den temaba jenjang ngua asaya.
Asaya tenzüker minute 53 buba nung Pippa-ia lar N Zealand telok asoshi goal 1 agütsü saka asaya tatembangbuba minute nung Lily-i maneni goal 1 agütsüba yong lar India teloki goal 6-1 agi N Zealand madak takok ngua liasü.
India tsürtemi par taruba asaya England den asüng, Honibar nü asayatsü lemzüka lir.