MDTTA-i 9 buba Inter-School TT asayamong ayonger

Dimapur, July 24 (TYO): Mokokchung District Table Tennis Association (MDTTA)-i 9 buba Inter-School TT asayamong taruba August ita 6 nü nungi tenzüka Mokokchung kübok MultiSports Complex nung asayatsü ayongogo.
“Tan asayamong nung nungdakba senotsü tenlatsü nangzükba atema Moasangba Jamir nem tenüngsang agütsür,” ta MDTTA Tir, Watitoshi-i tanü sangdong ka ajanga metetdaktsü.
Tebur aser tetsür chanutem asoshi Under 13, 16 & 19 aser tebur chanutem asoshi single, doubles aser team shilem küma lemsar asayatsü ayongba asayamong nung Mokokchung district nung tentetba school aser higher secondary school shia nungi asayartem arua shilem agitsü tayongzükba olen ka pai metetdaktsüogo.