Aser tangar ama yimya agi ain adokba chirtem liasü (Ef. 2:3).

~ Rev. Luin
Kechiyong asenoka ken mapang nung tamashi tashi manga, tekülaker küma, tapu azüabunga aser tepela tenzüker küma, takuba aser mokokaji nung lia, tesempar aser medemer o medemer na sempatepa liasü (Tit. 3:3). Nenoki tanaben asotsü tim, ta Ni ne dang ashi nung tesüngmang (Yn. 3:7).
Aser Yobi Kibuba dang langzü aser ashi, “Ajiang, ni kecha malang; ni ne dang kechi langzütsü? Ni kü bang nemdi” (Yob 40:3,4). Aser Kibubai, Satan dang ashi, “Kü tenzüker Yob dak nai tenük yokogo ma?” Kechiaser alima nung tetemjen aser tindang nisung aser tamajung sempar Pa ama shinga mali (Yob 1:8).
Ajiang, ni tai nung yanglu; aser temenen nung kütsüi ni aben (T.Ken 51:5). Aser pai pa endoker külen parnok chuba asütsü asoshi pai Dawid anitet. Pai pa indang kuli agüja ashi, Kü mulung asüba, aser mulungba ajak inyaktsüba, Jesse chir Dawid, ni nguogo (T.M. 13:22)… ni teraksatsür liaka ni yimlibilem angu kechiaser mamangba nung aji ni memeteti inyak (1 Tim. 1:13).
Shi nungi kechi sodir aji shi, aser Tanela nungi kechi sodir aji tanela (Yn. 3:6).
Kibuba Yisu, kü shi nung temulung lema meli-i tanela nung tanaben asotsü Ne taochii  kü mulung ajungshiang.
Nai onok aka asodakjang; aser onoki Ne dang sarasademtsü (T. Ken 80:18).
Taküm agütsübaji tanela lir: shibo amajok: Ni nenok dang ashiba Oji tanela aser taküm lir (Yn. 6:63). Aser yamajisa Tanelaia asen mokokmin yarir, kechiyong asenoki koda sarasademtsü tim aji memetet. Saka Tanelai Pa sasa asenok asoshi mejembitetba tanüngba agi mepishitsür, aser shibai temulungjang nung repranger Pai Tanela temulung nung aliba meteter, kechiyong Pai Tsüngrem mulungba ama temeshi pur atema mepishitsür (Rom 8:26,27). Sarasadem aser temepishiba ajak agi Tanela nung mapang ajak nung sarasademang (Ef. 6:18).
Ni Ne ozüng kodanga mamatsü; kechiyong item jagi Nai ni rokasodaktsü (T. Ken 119:93). Taküm agütsübaji tanela lir: shi bo amajok; Ni nenok dang ashiba Oji tanela aser taküm lir (Yn. 6:63). Tezüluba ozüngi südaktsür, saka Tanelai taküm agütsür (2 Kor. 3:6). Nenoki Kü dak lira, aser Kü O nenok dak lira, nenoki kechisa aginür meshiang aser aji nenok dang inyaktsü (Yn. 15:7). Asenoki Pai mulungba amato langka meshira, Pai asenok dang angar; ya Pa tsütsü asenok anguba tasü tait lir (1 Yn. 5:14). Anungji Tsüngrem Tanela nung jembir shingaia Yisu atakatemba ta mashir; aser Tanela Temeshi nung jembir kati dang Yisuji Kibuba ta ashitsü akoker (1 Kor. 12:3).
Aser tejang matangba ammang mapa den temeden, saka item arüjang (Ef. 5:11).
Nenok tekelakokdaktsü: Medemer tajungi jakla tajung tamajung kümdaktsür (1 Kor. 15:33). Nenok ulubaji tajung masü. Piyazü tila ka agi am telung ajak pokrakdaktsür, ta nenoki memetet no? Nenok telung tasen akümtsü asoshi piyazü tejenji meshidokang. Nenoki nüktapangtar den temedem ta ni nenok dangi kü shiti nung zülu. Saka aji ya, iba lima nüktapangtar, mesüra tenükshiba aser merumeru, mesüra süngyanglu külemer den kenyongi temedem ta masü, kechiyong aji oda süra nenoki alima nungi senshitsüla. Saka adianu ta ajaba nisung kar nüktapangtar, mesüra tenükshiba, mesüra süngyanglu külemer, mesüra atalaba, mesüra yi pur mesüra merumerur lira, iba denji techiyong ta ni nenok dangi zülur (1Kor 5 :6,7,9-11). Tekirak aser mashi jajaba  putu  koba rongnung nenoki taküm oji jungkai adokdakja alima nung petinu ama nenok sangwa angur (Fil 2: 15). Saka ki tulu ka nung hon aser taribi oset dang ali masü saka sung aser ali oset lir aser item kar tetushitsü aser kar melushitsü asoshi lir (2Tim 2:20).
Kibuba Yisu, alima nung tetushitsü oset ka alitsü Nai jembiba O ajanga ni meshitetjang.
Pai pei san telok sannüker amai mesütsü, Pai pei tepen agi san chanutem anitentsü aser Pai itemji teku nung ajunger aser mama yongdaktsürtemji  tanemi anir aotsü (Isa 40 : 11).
Aser Yisui Pa nütsüngtem Pa dangi jaa ashi, Ni telok asoshi aria bilemer, kechiaser item anogo asem parnok kü den maneni lir aser tachitsü kecha maka. Aser ni parnok lumia meyokner, ashiko parnok  lemang nung lulatsü (Mtt 15 : 3). Kechiyong asen mokokmin nung aria bilemtsü makokba asen temaba Putir mali saka asenok ama Pa ajak nung atitang, aji saka temenen mebenshi( Ibri 4:15).
Aser Pa nung  kongshidaktsütsü, parnoki Pa dangi tanur chanurtem anir aru. Aser Pai parnok dak teka agi azüiter, parnok dak nemeta moatsür(Mk 10 :13,16).
Tesamaba san ama ni mashileni ogo (T.Ken 119 :179). Kechiaser nisung chiri temadokba bushitsü aser kümzüktsü aru(LK 19:10). Kechiyong santem ama nenok mashileni oya liasü saka tang nenok sannüker aser Tanela Tanükba  dangi meyipa aruogo(1Pt 2:25).
Tetsübutsü telok tilaba kechiaser nenok Tebui nenok nem yimliji agütsütsü Pai mulung lir (Lk 12: 32).Ni kü santem mesütsü aser ni parnok mejangdaktsütsü (Ezk 34: 15).
Oba Tsüngrem, Nai ni yanglu, lidaktsü aser mesütsü nangzük nung Ne tenung asanger. Amen.