All England Championship: Saina Nehwal-i tamakok ajuruogo

Birmingham, March 12 (Agencies): India’er tetsür badminton asayar mongin, Saina Nehwal-i yashi, Hokolbar nü tamakok ajuruba ajanga tang tasayadak All England Badminton Championships nung India-i joko toktepa shilem magitettsüsa jenjang tamajung nguogo.
Tetsür World No. 2, Sania-i yashi quarterfinal asaya nung points 15-21, 16-21 ngua Chinese Taipei tsür, Tai Tzu Ying nem takok ngudaktsüba ajanga India-i tan jenjang tamajungji angur lir.
Saina jakdang B Sai Praneeth, Kidambi Srikanth aser Sameer Verma nungeria tamakok ajurua tan asayamong nung joko shilem magitettsüsa jenjang tamajung ngua liasü.