Seketou-i Nagaland nem kongang nüngsang bener arutsütsü imlar

Kohima, March 12 (TYO): Tembartemi Seketou ta ajasang, arishi küm 18 tain Kevikielie Pienyu-i Nagaland nem konang nüngsang bener arutsütsüsa tangar dak alia football kanga junga asayaba osang bushiteta lir.
Football asayatsü tasa ajunga shizüka alisang, aso tar feet 5 ser inch 11 talang goalkeeper, Seketou-i Nagaland tenüng nung Under 14, Subroto Cup aser 4 & 5 buba Inter District ‘Catch them Young’ asayamongtem nung shilem agiba osang jangjaogo.
Prodigies teloki 2015 küm ayongba 1 buba Penalty Shoot-out Tournament nung Best Goalkeeper sempet agizüksang, Seketou-i Megahalaya kübok Shillong nung taoba February ita ayongba Tata Football Academy tetendangba sentong nunga shilem agia liasü.
Seketou-i arishi küm 10 tain alidang nungi tenzüka football asayatsü tenzükba sülen tanü tashi nung Kohima Komets, Nagaland Under 19 team, Oriental College, New Market ‘B’ aser Nagabazar Youth Organization telok tenüng nung kanga junga shilem agiba osang bushiteta lir.