Lindsay Lohan kodanga Hollywood-i maotsü

March 13, 2016: Actress, Lindsay Lohan-i joko kodanga Hollywood-i meyipa maotsü, ta osang angazüker.
Lar medemer kati, ‘Mean Girls’ actress Lindsay London nung la tedong Russia nunger businessman, Egor Tarabasov den jangratema süngjema alir, anungji lai joko Hollywood-i meyipa moner ta ashiba Aceshowbiz osang ajanga metetdaktsü.
Arishi küm 29 Lindsay-i London nung Tarabasov den mapang intokner aser Los Angeles-i meyipa maruner.
“La kodanga Hollywood-i meyipa marutsü,” ta kasa osang ajanga ashi.
Lohan-i Hollywood toktsüba dak sentakba nung kasa osang ajanga, “La Hollywood nung alibaji nisungtemi maginer, aser lai ibaji meteta lir,” ta ashi.
Lindsay-i shilem agiba nüngtugu film rongnung Mean Girls (2004 küm), The Parent Trap (1998), Georgia Rule (2007), Freaky Friday (2003) aser Get A Clue (2002) film tem lir.