Anogo pezü atonga Bank tem shibangtsü

New Delhi, March 14 (Agencies): March 24, 2016 nü nungi tenzüka sodi anogo aika külemi tenjiba ajanga linük tesem aika nung bank tem shibangtsü.
Sodi anogotemji- March 24 Holi, March 25 nü Good Friday, March 26 nü 4buba Honibar aser March 27 ji Deobar lir.
Anogo pezünü tashi atonga sodi aliba ajanga bank services transaction maliba den külemi ATM aika nung sen atemtsü südi.
Bank aika privatised cash loading lir, anungji parnoki sen peria inoka yutsütsü akok, ajisüaka sodi anogo aika asübayong sen atemtsü akok.