NBSE-i reju ketdangsertem den senden amen

Dimapur, March 16 (TYO) : March 15, 2016 nü Nagaland Board of School Education, Kohima-i Secondary aser Higher Secondary School nung tekolakpurtem den külem senden ka ayongzüka amen.
Iba senden ya Ura Academy Hall, Kohima nung agi aser reju balala nung tekolakpur 146 aden.
Küm shia NBSE-i reju ketdangser inyaktsü tasen shimertem den senden amener aser iba mapang reju indang teinyaktsü aser tebilemtsütem lemsateper.
Yashi amenba senden nung NBSE Chairman, Asano Sekhose-i school ketdangsüba indang jembi, Controller of Exams, Rangumbuing-i exam agiyim aser NBSE-i teinyaktsü kar melenshiba indang lemsatep, Coordinator (IT) Kekhrielhoutuo-i power point presentation ka ajanga technology & connectivity indang sayu aser Sr. Academic Officer, Iluheing-i academic dak sendakba onük jembia liasü.