Kohima nung ganja seret 100 apu

Dimapur, March 16 (TYO) : March 16, 2016 anepdang 9:30 ako meta Sechü (Zubza) Police Station nungi Kohima Police-i garitem mita reprangdang gari ka nung ganja aika bena aliba angu.
Maruti Alto 800 (Local Taxi) gari nung ganja seret 100 miima bena liasü aser iba dak sendakba nung Zubenthung Odyuo ta ser gari driver pua lir, ta Sub-Divisional Police Officer & PRO, Kohima-i sangdong ka nung metetdaktsü.
Iba asoshi Sechü (Zübza) P.S nung ken o ka benokogo aser maneni bushisüngdang südar, ta Kohima Police sangdong nungsa metetdaktsü.