G.H.S Tzurangkong kaketshirtemi class nung medeni lungkak ait

Watiyim, Mokokchung, March 16 (TYO): March 15, 2016 nü Government High School, Tzurangkong nung kaketshirtemi lungkak aita class nung maden aser ola madoki yimdong sema senzüba sentong ka agi.
Nagaland nung sorkar school tajungtem rongnung iba school ya ka lir saka tang iba school nung Headmaster aser Assistant Headmaster mali.
GHS, Tzurangkong indang infrastructure kanga junga lir saka tesayurtem peria maliba ajanga kaketshirtemi sorkari nangzükba quality Education mangur.
Iba school nung inyakba tesayurtem anogo nung class 6-7 tashi agitsüsa akümer aser iba jagi parnok kanga anibelemer. Tesayurtem peria maliba agi Hindi, Art tesayurtemi parnok tata subject toktsür tanga subject agidaktsür.
Sorkar ketdangsertemi nangzükba sülen kaketshirtemi March 31, 2016 tashi lungkak aitba sentong anena atatsü telemtetba agi. Ajisüaka, Directorate of Education-i mapang agütsüba tsüngda mapa meinyakra, kaketshirtemi maneni lungkak aittsü, ta metetdaktsü.