Drew Barrymore-i Cameron Diaz dang ‘Poo Poo’ ta aja

Los Angeles, March 17, 2016 : Tain longlong asüdang nungi actress Cameron Diaz den medemer chichiba süa intetla actress Drew Barrymor-i “My Best Friend’s Wedding” film nung tongti shilem agila, Diaz nem ‘Poo Poo’ ta tenüng agütsüogo.

Marie Claire magazine den jembiba mapang Barrymore-i memeteti Diaz nem iba tenüngji agütsü, ta people.com ajanga metetdaktsü.

“Nüngtugu nisungtemi ajak den puteper amai sayuba yimya agi ni lakogo. Ni Poo Poo (Cameron Diaz) ya ni arishi küm 14 asüdang nungi metet. La mapa inyaktsü tenzükba mapang ka nung kena metetep, aser iba mapangji ni coffee house ka nung inyakshia liasü. Anungji küna tsüngda tesendaktep kecha kanga tulukabo mali amai ni bilemer,” ta Barrymore-i ashi.

Kinungbo Will Kopelman den arishi küm asem jala, Olive aser ita 22 jala, Frankie na agi sosema alila, Barrymore-i, “Ni mapa maliba mapangbo Hollywood yimya ama ni malir,” ta ashi.

“Ni tsüraburtem adenshia kazüba tesemi aoer aser iba mapang lipstick tera teper tangari machitettsüsa senzür saka kaketshirtemi ni balaka repranger, ta arishi küm 41 tain, Barrymore-i ashi.