‘Mere Dad Ki Maruti’ tarensen memonoi tangoktsü

March 17, 2016 : ‘Mere Dad Ki Maruti’ indang tarensen film taküm küm sa yanglutsü akok, ta film nung tongti shilem agisang, Saqib Saleem-i shiogo.

Saqib Saleem aser Shweta Tripathi nati shilem agiba ‘Koi Dekh Lega’ film bo tanü, Brihostibarnü sayaogo.

‘Mere Dad Ki Maruti’ film nung shilem agir joko küm asem jungogo aser ni iba film producer den jembidang pai asenokbo iba film indang tarensen ka yanglu nung ajungtsü ta ashi. Pai taküm küm sa iba film tarensenji yanglutsü ashi. Amanger iba film ya taküm kümsa tangoktsü, ta paisa ashi.

‘Mere Dad Ki Maruti’ ya Ashima Chibber-i direct asü aser Saqib den Rhea Chakraborty aser Ram Kapoor nungeri shilem agia liasü.