AAP-i BJP ajembangja Bihar nung nübu ayimtsü

New Delhi, July 25 (Agencies): Aam Aadmi Paty (AAP)-i Bihar nung Bharatiya Janata Party (BJP) ajembangja nübuyim mapa tenzüktsü sentong lir.
“AAP nung lenir tain tem Bihar-i aotsü. Parnok iba mapang nüburtem dang Ato Kilonser, Narendra Modi ji shiba’ar tuteta ashitsü,” ta Honibar nü AAP nung lenir Ashutosh-i metetdaktsüogo.
Hopta ana tejakdang Bihar Chief Minister Nitish Kumar-i AAP nung lenir Ashutosh aser Delhi Chief Minister Arvind Kejriwal nunger den arua ajurutepa election mapang state yariang ta shia liasü.
AAP sangdong ka ajanga ahsiba agi, Nitish Kumar-i election nübuyim nung AAP-i Janata Dal-United yaritettsü asü meyaritettsü’ar metetnüa asüngdang.
Kejriwal den Nitish Kumar-i tan agi joko pezüben buba ajuruteper
AAP-i BJP madak takok tulu anguba sülen taküm February ita nung Kejriwal Chief Minister mendeni tur tan agi pezüben buba Nitish Kumar-i pa den ajuruteperba lir.