Kanhaiya indang bail thitsütsü ken o HC-i angadangtsü

New Delhi, March 17 (Agencies): JNUSU Tir, Kanhaiya Kumar nem bail agüja aliba thitsütsü temepishiba benokba ken o March 23 nü angadangtsü atema tanü Delhi High Court-i lemtetogo.
“Temepishibaji ken o temji March 23 nü angadangtsü,” ta Justice Suresh Kait-i ashi.
Ajisüaka Kanhaiya anema temepishiba benoker atema okatsür, avocate R P Luthra-i, High Court bench dang, iba ya tongtibang onük ka lir, anungji March 21 nü angadangtsüla, ta benok. “Kü temepishibaji- iba ya tongtibang onük ka, aser rongtak nüngdak ka asünungji iba ya Hombarnü (March 21) angadangtsüla,” ta Luthra-i ashi.
Prashant Kumar Umrao atema jembitsür Luthra-isa, Kanhaiya bail nung chiokba sülen pai onüktem jembiba ajanga ano teraksatsüba bendenloker, ta ashi.
Ajisüaka bench-i, “Police yangji lir aser parnoki ibaji reprangdar,” ta shia ibaji magizük.
February 9 nü JNU campus nung sentong ka alidang linük anema yimyim ayim ta tai tongloktsüba ken o dak sentakba nung police-i Kanhaiya apuba sülen March 2 nü pa nem ita trok interim bail agüja liasü.