Indian Wells: Djokovic o Nadal na quarters-i iogo

Indian Wells, March 17 (Agencies): Spain nunger Rafael Nadal aser Serbia nunger Novak Djokovic nati takok ngua tang tasayadak Indian Wells tennis asayamong tebur singles shilem indang quarterfinal asayatsü jenjang yashi, Bodbar nü nguogo.
Tebur World No. 5, Nadal-i points 6-7 (8/10), 6-0, 7-5 ngua Germany nunger Alexander Zverev madak takok angu aser World No. 1, Djokovic-i points 6-3, 6-3 ngua Spain nunger Feliciano Lopez tsükdakja quarterfinal-i ai.
Taoba mapang Grand Slam takok marok 14 tashi agizüksang, Nadal-i Japan nunger Kei Nishikori den quarterfinal asayatsü lemzükogo.
Ajisüaka, Switzerland nunger Stan Wawrinka-i yashi tamakok ajurua tan asayamong nung joko shilem magitettsüsa jenjang tamajung ajuruogo.
Tetsür World No. 1, Serena Williams-ia points 6-4, 6-3 ngua defending champion, Romania tsür, Simona Halep madak quarterfinal asaya koka tetsür singles semifinal asayatsü jenjang ajangzükogo.
America tsür, Serena-i Poland tsür, Agnieszka Radwanska den semifinal nung ajuruteptsü.
Radwanska-ia points 6-2, 7-6 (7/3) agi Czech Republic tsür, Petra Kvitova quarterfinal asaya nung tsükdakja semifinal asayatsü jenjang angu.
Radwanska-i tan takok ngua semifinal asayatsü jenjang anguba sülen Angelique Kerber den temaba jenjang ngua tetsür asayar tarensen nung World No.2 akümtsü jenjanga nguogo.