Gen. Rtd M.B Neokpao Konyak GPRN/NSCN Tir tenangzükba agi

Dimapur, March 17 (TYO): March 17, 2016 nü GPRN/NSCN indang Tatar Hall, Khehoi Designated Camp nung Gen. Rtd M.B Neokpao Konyak Tir tenangzükba agiba sentong ka agiogo; iba sentong nung Ato Kilonser, N. Kitovi Zhimomi, collective leadership Envoy tem aser civil o army naprongla nungi aika denogo, ta GPRN/NSCN MIP sangdong ka ajanga ashi.
Iba sentong nung onük jembidang Tir, Gen. Rtd M.B Neokpao Konyak-i, tawa Naga linük nung defections aser counter defections aika ajuruogo. Naga nunger tebilemtsü ya nisung ka jenjang melenba mesüra telok melenshiba agi bentettsü makoktsü saka nükjidong aliba tanela, tarutsü atema bilemba melungsentsü aser pei nübur atema bilemba ajanga dang bentettsü, ta ashi.
“Telongjem aser Naga nunger tebilemtsü atema lenmang bushitsü asoshi ni Tir ka ama Naga nübur atema noktaktsü,” ta paisa ashi.