J&K, Kupwara nung telungpur 2 kahset

Kashmir, March 18 (Agencies): Tanü Kashmir, Kupwara district nung security sepaitem den kahtepdang telungpur ana kahsetogo.

“Tang dictrict kübok Handwara, Petha Wadar nung telungpurtem anema operation tuotak lir aser tang tashi nung kiralongrar ana kahsetogo,” ta army ketdangser kati ashi.

Iba tesem nung telungpurtem aliba osang ka lazükba sülen yasüng operation aodang telungpurtemi tama sepaitem dak injang kahloktsüba sülen parnok tsüngda kahtep,” ta paisa ashi.

Tang tashi nung telungpur anaji koba telok nungi’ar mejangjar.

Police ketdangser kati ashiba agi, iba tesem nungjagi AK assault rifles ana, magazines trok, injang 46, radio sets pezü aser UBGL grenades pezü nguogo.

Iba den külemi kasa tesem nungi GPS set ana, map ana, matrix sheet ana, anütetsü ka aser kaket ka nguogo.