‘Bajirao Mastani’ film-i ‘TOIFA’ award mapang sempet aika angu

Dubai, March 18, 2016: Ranveer Singh, Deepika Padukone aser Priyanka Chopra nungeri shilem agiba aser film yanglur Sanjay Leela Bhansali-i yangluba “Bajirao Mastani” film ajanga Dubai nung amungba tanabuba Times Of India Film Awards (TOIFA) sentong nung technical telemsa nung sempet timtiba ngutetogo

Technical award angurtem tenüngji Brihostibar aonung metetdaktsü.

“Bajirao Masatani” film ajanga sempet asem angu— Best Cinematography, Best Art Direction aser Best Costume Design.

Ranveer-a iba sentong nung aden aser ajungbena mongin designer, Anju Modi sentong nung medentetba ajanga pa indang Best Costume Design sempet pai agizüktsü.

Pai sempet agizüktsüba dang masü saka ajaki meteta aliba ken “Pinga” nung iba sentong ketdangser Manish Paul aser Huma Qureshi na dena khen tsüngsang.

Bhansali direct asüba film den ano superstar Salman Khan-i shilem agiba “Bajrangi Bhaijaan” film-a Best Story award angu.

Best Story Award ji superstar Shah Rukh Khan-i agütsü aser iba sempetji KV Vijayendra Prasad melena Kareena Kapoor-i agizüktsü.

Shoojit Sircar-i direct asüba aser megastar Amitabh Bachchan o “Chennai Express” film nung shilem agila, Deepika nati shilem agiba “Piku” film-i Best Screenplay award angu aser “Tanu Weds Manu Returns” film ajanga Best Dialogue sempet angu.

Best Choreography award ji film yanglur aser choreographer Remo Dspuza-i angu aser iba sempet ji actress Parineeti Chopra-i agizüktsü. Lai Hokolbar aonüng sentong ketdang asütsü.

Sentong nung kentener Shweta Pandit, Aman Trika, Shalmali Kholgade aser Armaan Malik nungeri “Pareshaan”, “Hawa Hawai”, “Main hoon hero tera”, “Dil dhadakne do”, “Tukur tukur” aser “‘Sooraj dooba hain” kentem tena nüburtem peladaktsü.

Iba award agütsüba sentong nung actor Riteish Deshmukh, Karthik Aryan, Gautam Gulati aser Ronit Roy nungera dena liasü.