Cuba-i Venezula Tir nem tetushi agütsür

Havana, March 19 (Agencies): Cuba linüki Venezuela Tir, Nicolas Maduro nem Cuba linüki agütsüba tetushi tulutiba agüja Maduro tanü, Hokolbar nü tushiogo.
US Tir, Barack Obama-i tan otsüsütsüsa Havana semdangtsü anogo 1 anünga alidang US jashidaktsütsü nükjidong nung Cuba-i Maduro nem tetushi agütsür lir.
Cuba Tir, Raul Castro-i Order of Jose Marti medal Maduro tola nung tulukja tanü pa tushia liasü aser yamaji inyakba ajanga socialist yimsüsütsü benshir linük anati US anemba temaitsü alima dang sayua liasü.
Maduro-ia taoba Venezüla Tir, Hugo Chavez aser taoba Cuba lenisang, Fidel Castro na aser Simon Bolivar aser Marti nunger densema, par linük ana nem nüchiso tia bener arutsürtem nem tetushi agütsüba osang jangjaogo.
Chavez 2013 küm asüba sülena, Maduro-i par Venezuela totzü agüja Cuba linük yariba osang bushiteta lir.
Ano külen, Obama-i tan Deobar nü Cuba semdanga küm 88 nung Cuba semdanger mezüngbuba US Tir akümtsü sentong renema lir.