Madonna-i la kinüngbo tejenba den “peace talks” akatsü

London, March 20 2016 : Kentener Madonna-i la tang tejajadak Rebel Heart world tour tatembangnü tebuba tejenba, Guy Ritchie den taruba hopta London nung “peace talks” akatsü.
Arishi küm 57 tain, Madonna-i, la tour temli December ita nungi tebu den alisang Rocco den ajuruteptsü asoshi aotsü, ta dailymail.co.uk osang ajanga metetdaktsü.
“Madonna-i kechi südir süaka Rocco den ajuruteptsü merangtsü. Lai Guy den ajurutepner aser pa den yimjung yangluner,” ta kasa osang ajanga ashi.
Lar jabaso tambusang den anasa alitsü mechi nung la London nung mapang tatsüka alitsü, ta osang kar ajanga metetdaktsü.
“London nung mapang talangka alitsüsa adok yonga lai odang alitsü,” ta tenüng memetetdaktsüi nisung kati ashi.
Madonna ya yaküm nungi iba tour jajar aser tang Australia nung iba tour tembangtsü.