Indian Wells: Djokovic-i Nadal tsükdakja final-i ai

Indian Wells, March 20 (Agencies): Serbia nunger Novak Djokovic-i Spain nunger Rafael Nadal madak semifinal asaya koka tan tasayadak Indian Wells tennis asayamong tebur singles final asayatsü jenjang yashi, Hokolbar nü nguogo.
Tebur World No. 1, Djokovic-i points 7-6 (7/5), 6-2 ngua Nadal semifinal asaya nung tsükdaktsü.
“Ni Nadal ama asayar mongin madak takok anguba atema kanga pelar. Nadal madak takok ngua asayabaji tan asayamong nung ni atema tongtipangtiba asaya asütsü,” ta Djokovic-i tesülen metetdaktsü.
Arishi küm 28 tain Djokovic-i Canada nunger Milos Raonic den final nung ajuruteptsü.
Raonic-ia points 6-3, 3-6, 6-3 ngua Belgium nunger David Goffin tanabuba semifinal asaya nung tsükdaktsü.
Tetsür singles shilem nunga America tsür, Serena Williams-i tesüiba champion, Belarus tsür, Victoria Azarenka den final asayatsü jenjang ngua lir.