Rosberg-i Australian Grand Prix kokogo

Melbourne, March 20 (Agencies): Germany nunger gari toktepa anishir, Nico Rosberg-i külem Mercedes telok gari anishir, Britain nunger Lewis Hamilton den tekaraba mapang nung alizüng tonga taküm, 2016 asoshi tetenzükba Formula One (F1) tetoktepba, Australian Grand Prix (GP) takok marok tanü, Deobar nü agizükogo.
Tan takok anguba ya Rosberg-i GP takok marok 4 buba atonga aser gari toktepa anishitsü tenzüker tanü tashi nung takok marok 15 buba agizüker lir.
Rosberg-i Hamilton den second 8 agi tekaraba mapang nung alizüng tonga tanü takokbaji angu.
Rosberg aser Hamilton na sülen anidaka, Ferrari telok gari anishir, Germany nungersa, Sebastian Vettel-i tan tetoktepba nung 3 buba jenjang ngua liasü.
Mercedes teloki tan agi tetoktepba 39 nung tetoktepba 33 tashi nung takok angur lir.
Red Bull gari anishir, Australia nunger Daniel Ricciardo-i 4 buba; Williams gari anishir, Brazil nunger Felipe Massa-i 5 buba aser Haas gari anishir, France nunger Romain Grosjean-i 6 buba jenjang ngua liasü.