SSP Chawrasia-i Indian Open takokba angu

New Delhi, March 20 (Agencies): India nunger golf asayar, SSP Chawrasia-i two-stroke agi temaba jenjang ngua Delhi nung asayaba Indian Open golf asayamong takok marok tanü, Deobar nü agizükogo.
Arishi küm 37 tain Chawrasia-i final round nung points one-under 71 ngua defending champion, Anirban Lahiri aser Korea nunger Jeunghun Wang na madak takok angu.
Tan takok anguba ajanga Chawrasia-i tarutsü mapang asayatsü ayongba European Tour nunga toktepa shilem agitsü jenjang angur lir.